Muqdisho 09.09.2018,

Guddoomiyaha Golaha Aqalka Sare Senator Cabdi Xaashi Cabdullaahi ayaa maanta xafiiskiisa kulan kula yeeshay wafdi ka socday xafiiska siyaasadda qaramada midoobay (UNPOS).

Kulanka ooy goob-joog ka ahaayeen Guddoomiye ku xigeenka 1aad ee Golaha Aqalka Sare Senator Abshir Maxamed Axmed iyo xubno ka tirsan Guddiga Garsoorka, Arimaha Diinta iyo Awqaafta, Xuquuqul Insaanka, Haweenka Iyo Caruurta ee Aqalka Sare iyo Senatoro kale oo ka tirsan Golaha Aqalka Sare ayaa looga hadlay arrimo la xiriira hindise sharciyeedka dhismaha guddiga la dagaalanka musuq-maasuqqa oo horyaalo Aqalka Sare ee BFS.

Guddoonka Aqalka Sare iyo UNPOS ayaa isla gartay habkii UN-ku gacan uga gaysan lahaa arrimaha farsamo iyo la talinta sharci ee howlaha la xiriira Sharciga.

Sidoo kale, waxaa la isla gartay in Guddiga iyo UNPOS ka wada xiriiraan dardar-gelinta siddii labada dhinac ay si dhow uga wada shaqayn lahaayeen arrimaha la xirriira sharcigaas.

Muqdisho, Luulyo 03, 2018-Tababar aad loo soo agaasimay kuna saabsanaa maaraynta arrimaha Baarlamaanka(Administration of Parliaments) ayaa maanta laga furay magaalada Mogadishu ee Caasimadda Dalka Tababarkan ayaa waxaa soo agaasimay kana shaqeeyay Golaha Aqalka Sare ee Baarlamaanka Federaalka Soomaaliya. Tababarka ayaa loo qabtay Goxghayaasha Guud, Agaasimyaasha, Howlwadeenada iyo Shaqaalaha kala duwan ee Baarlamaanka Federaalka iyo Baarlamaanada Dowlad Goboleedyada Dalka.

Tababarka ayaa waxa uu socon doona muddo todobaad ah iyadoo ujeedku yahay kor-u-qaadidda Xirfadda iyo aqoonta Shaqaalaha Baarlamaanka.

Tababarka waxaa furay Guddoomiye Ku xigeenka Koowaad ee Golaha Aqalka Sare Mudane Abshir Maxamed Axmad oo kula dardaarmay dhamaan kaso qayb galayaasha in ay si dhab ah uga faa’idaystaan fursadan korna u qaadaan xiriirka iyo wadashaqaynta dhexdooda, gaar ahaan Baarlamanka Federaalka iyo Baaarlamaanada Dowladaha Xubnaha ka ah Dowladda Federaalka.

Tababarka ayaa waxaa bixinayay Khubaro ku takhasusay arrimaha Baarlamaanka , maamulka iyo hormarinta Ha’aadaha dowladeed.

Tababarka ayaa waxa gacan wayn ka gaystay Hay’adda UNDP gaar ahaan Mashruuca Tayaynta Baarlamaanka.

Muqdisho, Luulyo 01, 2018

Dhageysi dadweyne -Hindise sharciyeedka dhismaha Guddiga Madaxabannaan ee Ladagaalanka Musuqmaasuqa ee haatan horyaalo Golaha Aqalka Sare-BFS oo ay haatan gacanta kuhayaan Guddiga Garsoorka, Arimaha Diinta & Awqaafta, Xuquuqul Insaanka, Haweenka Iyo Caruurta ayaa shaleey oo ay tarikhdu aheeyd 30 Juun,2018 waxaa lagu qabtay Hotel Doorbin .

Dhageysigaan dadweeyne ayaa waxaa kasoo qeeybgalay Sanatarada Golaha Aqalaka Sare ,xubno masuuliyiin ah kuwaa oo ka kala socday Dowlad Goboleedyada xubnaha ka ah Dowlada federaalka Soomaaliya,Xafiiska hanti dhoowrka Dowlada Federalka Soomaliya ,Xeer ilaaliyaha dowlada federaalka Soomaaliya,Ururada bulshada,bushada qeeybaheeda kala duwan.

Dhageysiga dadweyne ayaa si qoto dheer looga doodaday Hindise sharciyeedka dhismaha Guddiga Madaxabannaan ee Ladagaalanka Musuqmaasuqa waxaana sualo laguweydiiyay Masuliyaan kala duwan.

Waxaa si Toos ah looga tabiyay Dhageysigaan dadweyne  TV ga,Mareegta Golaha Aqalak Sare,Baraha Bulshada si sharcigaan uu u gaaro bulshada qeeybaheeda kaladuwan.

Muqdisho, Juun 21, 2018- Xarunta Golaha Aqalka Sare waxaa lagu qabtay aqoon kororsi ku saabsan Nidaamka Maamulka iyo agaasinka Baarlamaanka, aqoon guud ee la dagaalanka musuqmaasuqa & sharciyada ka jira adduunka, fahamka iyo ka tashiga qodobada Xeerka Dhismaha Guddiga La dagaalanka Musuqmaasuqa iyo awoodaha Baarlanaamka ee la –socodka iyo daba-galka xukuumadda & hay’adaha dowladda.

Aqoon kororsigaas waxaa iska kaashanayey Aqalka Sare iyo Heyada SSG waxa uuna soconayey 20-21 bishan Juun ee 2018 waxaana kasoo qeyb galay aqoon kororsigaas Xoghaya Guud & ku xigeenkiisa, Agaasimayaasha Aqalka, Guddiga Garsoorka  iyo Guddiyada Golaha Aqalka Sare iyo Golaha Shacabka.

Muqdisho:

Guddiga Dhaqaalaha,Maaliyadda,Ganacsiga, Isgaarsiinta Iyo Dalxiiska ee Golaha Aqalka Sare ee Baarlamaanka Federaalka Soomaaliya ayaa kusoo dhaweeyay xarunta Golaha Aqalka Sare  Wasiirka Wasaaradda Maaliyadda 28,Maay 2018.

Kulanaka  9 aad -Guddiga Gurmadka dadka aay saameeysay fatahaada Webiga/Roobabka Dowlad Goboleedka Hirshabeele ee Golaha Aqalka Sare