Muqdisho:- 16,Janaayo 2019,

Guddomiye Ku xigeenka Labaad ee Golaha Aqalka Sare ee Baarlamaanka Federaalka Soomaaliya Mudane Moowliid Xuseen Guhaad ,wafdi Senatara ah iyo hoowl wadeeno ayaa ka qeeyb galay Xaflada Caleemo saarka Madaxweyneaha doowlad Goboleedka Koonfur Galbeed Mudane Cabdicasiis Xasan Maxamed (Lafta Gareen) , munaasabad ka dhacday Magalada Baydhabo Maanta.Guddomiyaha ayaa Khudbad ka jeediyay munaasabada.

Xaflada Caleemo saarka Madaxweynaha Cusub ee Dowlad goboleedka Koonfur Galbeed ayaa waxaa ka soo qeeyb galay Madaxweynaha Jamhuuriyadda Federaalka Soomaaliya Mudane Maxamed Cabduulaahi Farmaajo,Madax ka socotay Golaha Shacabka Baarlamaanka Federaalka Soomaaliya iyo Dowlad Goboleedyada dalka, duubabka dhaqanka, Xildhibaanno iyo Wasiirro heer Federaal iyo heer Dowlad Goboleed, wufuud ka socotay Urur-Goboleedka IGAD iyo wafdi ka socda Beesha Caalamka.

Guddiga joogatada Golaha Aqalka Sare ayaa ku guddonsaday kulinkiisa 12 aad kalfadhiga 4 aad maanta oo taarikhdu ay tahay 29,Desembar 2018.

Guddomiyaha Golaha Aqalka Sare Cabdi Xaashi Cabdullahi ayaa shir guddomiyaha kulnaka Gudiga Joogtada ah ee Golaha Aqalka sare ee baarlamanka federaalka Soomaaliya ayaadoo ajandaha looga hadlayo uu ahaa: 

1.Baaq nabadeed oo ku aadan colaadha ka soo cusboonaaday Hiiraan iyo Galgaduud.

2.Miisaaniyadda Qaranka ee 2019.

3.Diyaarinta Ajendaha fadhiga Golaha.

4. Dhagaysiga daraasaad ku saabsan nidaamka federalka dalalka kala duwan ee caalamka iyo doorka Aqalka Sare ee ilaalinta danaha dowlad goboleedyada

Baaqa nabadeed ee uu Guddiga Joogtada Golaha Aqalka Sare soo saaray colaada ku soo cusboonbatay Hiraan iyo Galgaduud:Guji halkan

Muqdisho: 15,Desembar 2018

Guddiga Joogtada ee Golaha Aqalka sare  ayaa war ka soo saaray rabshadaha ka taagan magaalada Baydhabo iyo dirirta u dhaxeysa Qowmiyadda Soomaalida iyo Oromada ee ka taagan deegaanada ay wada degaan ama ay deriska ku wada yihiin sida TuulliGuleed, Dheekaa, Mooyaale, Shinniile, Faafan, Feeracad iyo tuulooyinka dhaca xuduudaha u dhaxeeya Deegaannada Soomaalida iyo Oromada

Hoos ka Akhriso Baaqa Guddiga Joogtada Aqalka sare ee Dalka ay soo saareen:-

BAAQ GUDDIGA JOOGTADA AH EE GOLAHA AQALKA SARE

Guddiga Joogtada ah ee Golaha Aqalka Sare wuxuu ku guddoonsaday kulankiisa 9aad Kalfadhiga 4aad ee maanta oo ay taariikhdu tahay 15 Dec. 2018

ISAGA OO GUDANAYA waajibkiisa dastuuriga ah ee uu ku matelayo dawladaha xubnaha ka ah dawlada Federaalka

ISAGA OO XOG OGAAL U AH xasilooni darada nabadgeloyo iyo mida siyaasadeed ee ka taagan magaalada Baydhabo ee dawlad goboleed Koonfur Galbeed;

• Waxa uu tacsi tiiraanyo leh u dirayaa ehelada iyo qoysaskii dadkii Soomaaliyeed ee ku geeriyooday ama waxyeelo ka soo gaaraty qalalaasha iyo rabshadihii ugu dambeeyey ee magaalada Baydhabo.
• Guddiga Joogtada ah ee Golaha Aqalka Sare isaga oo welwel xoogan ka qaba in xaalada amni iyo mida maamul ay faraha ka baxdo ayuu waxa uu ugu baaqayaa dhammaan dhinacyada ku lugta leh xaalada ka taagan magaalada Baydhabo in ay joojiyaan colaada iyo qalalaasaha ayna si nabadgelyo iyo wadahadal ah ku soo afjaraan is maandhaafka taagan si loo soo celiyo nidaamka iyo kala dambeynta Magaalada Baydhabo.
• Guddiga Joogtada ah ee Golaha Aqalka Sare waxaa ugu baaqayaa dhamaan mas’uuliyiinta iyo shacabka dalwad goboleedka Koonfur Galbeed in ay si wadajir ah u dhowraan Dastuurka iyo Sharciyada kale ee dawlad Goboleedka si ay u suurtagasho qabsoomida doorasho xor iyo xalaal ah.

Guddiga Joogtada ah ee Golaha Aqalka Sare isla kulankiisa maanta oo ay taariikhdu tahay 15 Dec. 2018 wuxuu ku guddoonsaday:

ISAGA OO SI DHOW ULA SOCDAY dilalka iyo xasuuqa ka socday in muddo ah deegaanada ay wada degaan ama ay deriska ka wada yihiin Qowmiyadda Soomaalida iyo Oromada ee ay ka mid yihiin Tuulli- Guleed, Dheekaa, Mooyaale, Shinniile, Faafan, Feeracad iyo tuulooyinka dhaca xuduudaha u dhaxeeya Deegaannada Soomaalida iyo Oromada.

ISAGA OO XOOJINAYA nabadgelyada iyo wadanoolaanshaha Qowmiyadda SoomaaHda iyo Oromada.

• Waxa ugu baaqayaa mas’uuliyiinta deegaanadaas in ay si degdeg ah u soo farageliyaan dagaaladaas si loo joojiyo colaadaha soo noqnoqday ee deeganada kor ku xusan kuwaas oo sababay dilal, dhaawacyo, barakac iyo burbur hantiyeed.
• Waxa uu Guddiga joogtada ah ee Goluhu ugu baaqayaa shacabka qowmiyadaha Soomaalida iyo Oromada in ay joojiyaan colaada ka dhex taagan kuna wada noolaadaan nabadgelyo iyo deriswanaag iyaga oo dhowraya mabaadiida iyo shuruucda caalamiga ah ee Xuquuqul Aadanaha.

Muqdisho:  08,Desembar 2018

Guddomiyaha Golaha Aqalka Sare Mudane Cabdixashi Cabdullahi iyo xubnaha ku wehliyay safarka shaqo ee Kismaayo ayaa kulan la qaatay ururada bulshada rayidka,dhalinyarada,haweenka iyo aqoonyahanada Dowlad Goboleedka Jubaland.

Guddomiyaha Golaha Aqalka Sare ayaa dhalinyarada Jubaland ku bogaadiyay in ey ka qeyb qaataan nadafadda iyo midnimada dalka.   

Kulanka ayaa ahaa mid Guddomiyaha uu xog wareeysi kula yeelanayay bulshada qeeybaheeda ka duwan si ay wafdiga u helaan xaalda dhabta ah ay ku suganyihiin dadka ku nool dowlad goboleedka Jubaland .

Sidoo kale bulshada qeeybaheeda kala duwan ayaa fursad uhelay in ay ogadadaan dhaxdhaxadadinta uu Aqalka Sare ka dhawaday XFS iyo Doowadaha xubnaha ka ah Doowlada Federaalka Soomaliya bilihii la soo dhaafay in ay soo gaartay meel aad u wanaagsan.